LAGU MINANG (PADANG-INDONESIA)

TINGGALAH KAMPUANG

Tinggalah kampuang ranah Balingka
Gunuang Singgalang (ondeh) lai ka manjago
Oi mandeh kanduang tolong jo doa
Antah pabilo (ondeh) kito basuo
Takadia untuang kok lai ka mujua
Bilo masonyo kito basuo
Sadangnyo arek tali jo buhua
Bakarek rotan kini jadinyo
Jikok taragak mandeh jo ambo
Didalam lagu (ondeh) denai pasankan
Jikok taragak yo nak basuo
Didalam mimpi (ondeh) denai nantikan

JASO MANDEH
Sambilan bulan sapuluah hari
Manangguang baban saba mananti
Manyabuang nyao basarah diri
Darah tatumpah manyiram bumi
Jolong tadanga rengek jo tangih
Barubek jariah sananglah hati
Anggak kan ameh babungkah-bungkah
Anggak kan pitih indak tabilang
Kok hati mandeh nan dilukoi
Bumi manyumpah ‘Arasy baguncang
Alamaik iduik ndak ka salasai
Bak cando kayu digiriak kumbang
Jaso mandeh indak ka tabaleh
Bia babungkah perak jo ameh
Jaso mandeh indak ka tabaleh
Bia babungkah perak jo ameh

LANGKISAU

Langkisau bukik langkisau
Tanang aia di talao
Tangiang kampuang maimbau
Taganang si aia mato
Ndeh, oh Langkisau bukik Painan
Batampek mandi pincuran madam
Elok karantau denai bajalan
Kok lai tabangkik batang tarandam
Ndeh, oh badabua ombak maampeh
Batu kureta mamanciang ikan
Jikok lai mujua bundo malapeh
Bak ayam pulang ka pautan
Ndeh, balah-balah lah si batang kapeh
Ka diambiak lah ka kayu api
Rilah-rilah lah bundo malapeh
Untuang salamaik pulang jo pai
Langkisau … Langkisau … Langkisau …
(Dipopulerkan oleh Elly Kasim)

LANGSEK MANIH
Nak urang Tanjuang Barulak
Barulak barulai pulo
Den etong lansek nan masak
Nan busuak tingga di ambo
Den etong lansek nan masak
Nan busuak tingga di ambo
Iko tukuak, Iko tambah
Paragiahnyo, perai sajo
Iko tukuak, Iko tambah
Paragiahnyo, perai sajo
Nan satu satu lah duo
Sitigo di Guguak Dulang
Ko lansek buliah dicubo
Kok masam babaliak pulang
Ko lansek buliah dicubo
Kok masam babaliak pulang
Iko tukuak, Iko tambah
Paragiahnyo, perai sajo
Iko tukuak, Iko tambah
Paragiahnyo, perai sajo
Nan ampek dibalah ampek
Nan limo bilangan jari
Ko bukan sumbarang lansek
Sijunjuang lanseknyo manih
Ko bukan sumbarang lansek
Sijunjuang lanseknyo manih
Iko tukuak, Iko tambah
Paragiahnyo, perai sajo
Iko tukuak, Iko tambah
Paragiahnyo, perai sajo
(Dipopulerkan oleh Elly Kasim)

SIANAR RIAU
Oto banamo lah Sinar Riau
Baliak manambang (cu deyen) nan dari Pakan
Oi baranti tantang (cu deyen) Danau Bingkuang
Taragak mandeh jo urang rantau
Oi ka pintu tangih (cu deyen) bakaluakan
Sabalah mandeh badan denai lai ka pulang
Ondeh dangalah Sinar Riau di pandakian
Rabab tolong sampaikan
Pakanbaru Taratak Buluah
Labuhan kapa (yo tuan) nan dari Siak
Oi mamuek gombia (cu deyen) dari Bangkinang
Jawek pakirim oi dagang jauah
Sayang bacampua (oi mandeh) nan jo taragak
Denai kok lareh (cu deyen) dirantau urang
Ondeh dangalah Sinar Riau di pandakian
Rabab tolong sampaikan
(Dipopulerkan oleh Elly Kasim)

KAPARINYO
aparinyo, babuai adiak babuai
Kaparinyo, babuai adiak babuai (ondeh sayang)
Babuai, babuai piciangkan mato
Yo malang, yo malang, babuai piciangkan mato
Kaparinyo, jikok dapek kato sasuai
Kaparinyo, jikok dapek kato sasuai (ondeh sayang)
Jan lah lupo, jan lah lupo jo kawan lamo
Yo malang, yo malang, jan lah lupo jo kawan lamo
Kaparinyo, duo tigo kuciang balari
Kaparinyo, duo tigo kuciang balari (ondeh sayang)
Indak sarupo, indak sarupo jo kuciang balang
Yo malang, yo malang, indak sarupo jo kuciang balang
Kaparinyo, duo tigo dapek den cari
Kaparinyo, duo tigo dapek den cari (ondeh sayang)
Indak sarupo, indak sarupo jo adiak nan hilang
Yo malang, yo malang, indak sarupo jo adiak nan hilang
USAH DIRATOKI
Anak urang si Kubang Putiah
Pai ka balai, hari sanjo
Mamakai baju guntiang cino, guntiang cino
Ulah rayu si daun siriah
Bacarai pinang jo tampuaknyo
Apo katenggang si carano, si carano
Urang kapau pai ka ladang
Sarupo kodek jo bajunyo
Iyo buruak lakunyo alang
Ayam tapauik disembanyo
Urang Sariak babaju ganiah
Pai manggaleh ka Padang Lua
Iyo sariak ba’ ayam putiah
Kok indak sikok alang manyemba
Jikok mandi denai di hulu
Aie nan usah adiak sauak,
Disauak usah dikaruahi, dikaruahi
Jikok mati denai dahulu
Mati nan usah adiak janguak,
Dijanguak usah diratoki, diratoki


TAKUIK
Takuik den uda …
Apo nan adiak takuikan … sayang
Bungo cinto kok layua hati den cameh
Nan den harok kamanyiram uda surang
Sajak umua maningkek labiah tujuah baleh
Badan ndak lamak lah takuik lalok surang
Jikok itu nan kini adiak takuikkan
Denai kan datang mayiram bungo adiak
Rindu lah lamo samo ditangguangkan
Sajak gunuang Marapi, sagadang talua itiak
MUDIAK ARAU
Anak urang Sabu Andaleh, yo tuan oi
Singgah karumah si Sutan Mudo
Bia abih bialah tandeh, yo tuan oi
Hati den kanai kabaa juo
Indak dapek musim manuai, yo tuan oi
Musim manyikek den nanti juo
Indak dapek barago gadih, yo tuan oi
Baranak ampek den nanti juo
Ondeh mandeh sansai badan den – 2x
RANDANG KOPI
Rang bukik apik oi marandang kopi
Tampak nan dari lereang pandakian
(alah mamak oi di pandakian, ondeh kanduang oi)
Sungguah maramuak hai didalam hati
Di muko jan sampai kanampakan
(alah mamak oi ndeh kanampakan, ondeh kanduang oi)
Jikok nak tau hai dirancak lado
Cubo siangi agak tigo kali
(alah mamak oi ndeh tigo kali, ondeh kanduang oi)
Jikok nak tau hai di rancak jando
Cubo caraikan agak tigo kali
(alah mamak oi ndeh tigo kali, ondeh kanduang oi)
(Dipopulerkan oleh Elly Kasim dan Efrinon)

HUJAN
Hujan …
Jikoklah hujan hati den ibo
Takana maso kisah nan lamo
Maso sapayuang kito baduo
Hujan …
Mimpi den paneh manganduang hujan
Kironyo mimpi manjadi nyato
Kasiah tajalin putuih jadinyo
Lah den tarimo surek undangan
Samaso adiak disuntiang urang
Basandiang duo
Hujan …
Sairiang hujan si aia mato
Usah disasa putuihnyo cinto
Suratan tangan Tuhan kuaso
Hujan …
Hilanglah jajak ditimpo hujan
(Dipopulerkan oleh Tiar Ramon)

PASAN MANDEH
Garudo tabang ateh langik mak
Turunlah gajah patah gadiang
Manyasok lalu katapian
Tampak nan dari Bangkahulu
Iyo santiangnyo aka rangik mak
Manyasok darah dalam dagiang
Luko nan indak kanampakan
Alah padiah sajo mangko tahu
Nan bak pasan mandeh
Usah takuik nak di ombak gadang
Riak nan tanang oi nak kanduang
Mambaok karam
Bia luko dek sambilu
Cegak diubek nak, nan jo piladang
Kato malereang, oi nak kanduang
Bisonyo tajam
(Dipopulerkan oleh Tiar Ramon)

DAYUANG PALINGGAM
Ramo lah ramo sikumbang lah janti
Katik lah Endah pulang lah bakudo
Patah tumbuah ilang baganti
Lagu lamo takana juo
Dayuang dayuang
Dayuang sampan didayuang – 2x
Didayuang anak palinggam
Palinggam, anak palinggam
Pulau Pandan jauah lah ditangah
Dibaliak pulau si Angso lah Duo
Hancua badan dikanduang tanah
Budi baiak takana juo
Dayuang dayuang
Dayuang sampan didayuang – 2x
Didayuang anak palinggam
Palinggam, anak palinggam
Elok-elok manyubarang
Jan sampai titian patah
Elok-elok dirantau urang
Jan sampai babuek salah

BUNGO LARANGAN
Lai den cinto bungo tumbuah dilaman
Dari putiek kini lah kambang
Nak den raiah bungo kapamenan
Denai pupuak jo kasiah sayang
Tapi sayang sayang apo ka dayo
Bungo kini bapaga tinggi
Nak den raiah jangkau tangan den luko
Dek dilingka kawek ba duri
Basabalah dulu bungo nan jombang
Alun kisah kasiah batali
Denai tacinto bungo larangan
Kumbang ka inggok putiah kaki
(Dipopulerkan oleh Tiar Ramon)
SAYANG TAK SUDAH
o, iyo, taluak bayua ikannyo banyak
Baok mamapeh, baok mamapeh, hai dari sampan
Iyo, iyo, taluak bayua ikannyo banyak
Baok mamapeh, baok mamapeh, hai dari sampan
Ayam sikua, ayam sikua, musang kok banyak
Raso ka lapeh, raso ka lapeh hai dari tangan
Ayam sikua, ayam sikua, musang kok banyak
Raso ka lapeh, raso ka lapeh hai dari tangan
Iyo, iyo, rang Parik Putuih balapau randah
Mambaok balam dalam sarangnyo
Iyo, iyo, rang Parik Putuih balapau randah
Mambaok balam dalam sarangnyo
Kasih putuih, kasih putuih, sayang tak sudah
Lauik nan dalam, lauik nan dalam nan dihadangnyo
Kasih putuih, kasih putuih, sayang tak sudah
Lauik nan dalam, lauik nan dalam nan dihadangn
RODA PADATI
Nasib bak cando roda padati
Roda Padati, turun naiak baputa ganti baganti
Baputa kateh yo dapek galak badarai, galak badarai
Turun kabawah taimpik badan marasai
Alah den timbo di ladang, sumua di ladang
Biluluak juo tatimbo yo nan tatimbo
Alah den cubo bak urang, yo nan bak urang
Nan buruak juo tasuo yo nan tasuo
Ndeh, barakik-rakik ka hulu
Baranang yo katapian
Ka mudiak di hari sanjo
Basakik-sakik dahulu


Basanang yo kamudian
Barugi mangko balabo

HIDUIK DI RANTAU SUBARANG
Tapana hati di pasia putiah, lamunan tinggi ka langik
Sasayuik mato mamandang, lautan laweh mambantang
Jauah di kaki langik, oi di baliak awan
Di sinan den di lahiakan, di manjo yo di sayang
Tangiang juo yo di talingo carito nan den dangakan
Hiduik di nagari urang nan bagalimang cahayo
Mangko den marantau, oi tinggalah kampuang
Tagadai sawah jo ladang baka di rantau urang
Tingga kulik pambaluik tulang
Badan kuruih rasaki malang
Dapek pagi habihnyo patang
Sakik sakiklah surang
Imbau imbau tido nan datang
Badan sansai tingga sabatang
Hiduik di rantau urang malang di runduang malang
Hiduik di rantau subarang
(Ciptaan Chilun
g Ramali, Pertama kali didendangkan Jamal Mirdad, lalu dibawakan ulang oleh EndTang S Taurina, Lily Marlene, Yen Rustam, Sumbangan Lirik oleh Arlen Ara Guci)

TAK TONTONG
Tak tontong kalamai jaguang
Tagunda-gunda kacambuang basi
Ko iyo kecek nyo anduang
Rumah sudah si upiak balaki
Tak tontong kalamai jaguang
Tagunda-gunda kacambuang basi
Daulu balaki ajuang
Kini balaki tukang padati
Tak tontong kalamai jaguang
Tagunda-gunda kacambuang basi
Bujang lapuak barabah tenteang
Diresek saku indak barisi
Sajak pabirik di Indaruang
Lori bajalan diateh kawek
Sajak paningga mandeh kanduang
Nasi dimintak sumpah nan dapek
LARUIK SANJO
Mandi kalubuak mandalian
Udang disangko tali-tali
Mabuak untuang jo parasaian
Patang disangko pagi hari
Ondeh…Ondeh, Lah laruik sanjo
Lai den timbo banda Padang
Biluluak juo nan tatimbo
Lai den cubo nan bak urang
Nan buruak juo nan tasuo
Ondeh…Ondeh, Lah laruik sanjo
Urang Padang mandi ka gurun
Mandi basiram bungo lado
Hari patang matoari turun
Dagang baurai aia mato
Ondeh…Ondeh, Lah laruik sanjo


RISAULAI Risaulai oi Risaulai
Hari raba’a pukua satu
Hari raba’a pukua satu
Urang manembak si buruang nuri
Kana si kikiak nan sadang tabang
Jatuah badarai si bungo lado
Lai sarawa ndak babaju
Lai sarawa ndak babaju
Jo a den tampuah galanggang rami
Mangko den duduak balangang-langang
Jatuah badarai si aie mato
Barakik rakik kito kahulu
Baranang kito yo katapian
Basakik-sakik kito dahulu, sayang
Asal lai sanang yo kamudian
Bada kariang parancah paku
Paku digulai anak rang lolong
Bia lah kariang banda di hulu, sayang
Ka bakeh hujan den mintak tolong
Risaulai oi Risaulai

BAPISAH BUKANNYO BACARAI
Bapisah bukannyo bacarai
Usahlah adiak manangih juo
Basaba sayang nantikan denai
Taguahkan malah iman di dado
Bapisah bukannyo bacarai …
Uda bajalan padamlah palito
Kasia badan ka ditompangkan
Kampuang den jauah, da, sanak tiado
Denai jo sia uda tinggakan
Ondeh, gunuang Marapi, gunuang Singgalang
Hai, tolong caliakkan kasiah hati den
Nan den tinggakan, antaro pintu nan jo halaman
Uda den nanti, antaro pintu nan jo halaman
Bapisah bukannyo bacarai …


UBEKKAN DENAI
Ubekkan denai…
Sakiknyo putuih dalam bacinto
Cari kan ubek tujuah ramuan
Sarupo cincin nan balah rotan
Cincin lah lakek di jari tuan
Di jari manih tuan pasangkan
Ubekkan denai, ubekkan denai
Batambah kuruih badan nan jadi
Tamukan denai, suokan denai
Basuo mangko sanang dihati
Cincin siapo nan tuan pakai
Denai nan indak di bari tahu
Lah tujuah tahun janji kok ungkai
Bakeh siapo denai mengadu
Ubekkan denai
Sakiknyo putuih dalam bacinto
(Ciptaan Masroel Mamuja, Dipopulerkan oleh Lily Syarif dan Elly Kasim)

KAMPUANG NAN JAUUAH DI MATO
Kampuang nan jauah di mato
Gunuang sansai bakuliliang
Den takana jo kawan-kawan lamo
Sangkek basuliang suliang
Panduduaknyo nan elok
Nan suko bagotong royong
Sakik sanang samo-samo diraso
Den takana jo kampuang
Takana jo kampuang
Induak, ayah, adiak sadonyo
Raso maimbau imbau denai pulang
Den takana jo kampuang
(Ciptaan Oslan Husein)
ANAK SIPASAN
Anak Sipasan dalam rimbo
Mati di golek-golek batang
Nan bapasan kami nan tido
Ratok tangih manyuruah pulang
Ondeh ondeh iyo…
Manyuruah pulang ondeh tuan oi…
Pilin bapilin tali rantai
Ka tali sampan di muaro
Kirim bakirim indak sampai
Hati lah mabuak kaduonyo
Ondeh ondeh iyo…
Hati lah mabuak yo kaduonyo
Iyo…
Nak tampuo tabang ka kapeh
Dari kapeh lah tabang pulo lah tabang pulo
Nak basuo..
Taragak lapeh oi bacarai lah seso pulo
Bialah pandan den tinggakan
Pandan nyo lapuak dalam sawah
Bialah badan bajauhan
Asa di hati ndak barubah
Ondeh ondeh iyo…
Asa di hati indak barubah
(Dipopulerkan oleh Tiar Ramon & Carano’s Band)

GUNGGUANG LAH DENAI
ok jaleh uda indak namuah, eloklah uda manjauah
Kok hanyo untuak main-main, elok uda cari nan lain
Kok takuik dilamun galombang, jan barumah di tapi pantai
Kok iyo sabana sayang, datanglah ka rumah denai
Ondeh, den takuik takanai duo kali
Lah cukuik nan lah tajadi
Kok uda, yo uda sabana sayang
Baoklah denai yo uda, gungguanglah tabang
Kok uda, yo uda sabana sayang
Baoklah denai yo uda, gungguanglah tabang
(Dipopulerkan oleh Wisye Pranadewi)

KELOK SAMBILAN
Mandaki jalan ka Payokumbuah
Baranti tantang Kelok Sambilan
Ondeh baranti tantang kelok sambilan
Dimalah hati indak ka rusuah
Sadang basayang tuan bajalan
Ondeh sadang basayang tuan bajalan
Ondeh baa lah ko kaba, baa lah ko kaba
Kini rang mudo yo
Indak lah guno batanam bawang
Bawang ditanam hari lah sanjo
Ondeh bawang ditanam hari lah sanjo
Indak lah guno bakasiah sayang
Sansaro badan kasudahannyo
Ondeh sansaro badan kasudahannyo
Ondeh baa lah ko kaba, baa lah ko kaba
Kini rang mudo yo
(Dipopulerkan oleh Efrinon)
LOMPONG SAGU
Lompong sagu, lompong sagu bagulo lawang
Di tangah tangah, ditangah tangah karambia mudo
Sadang katuju, sadang katuju di ambiak urang
Awak juo lah awak juo malapeh hao
Lompong sagu (yo sagu) lompong sagu
Lompong sagu (yo sagu) bagulo lawang
Lompong sagu, lompong sagu bagulo sansai
Elok dimakan elok di makan di hari patang
Urang maetong, urang maetong ameh bagumpa
Denai maetong denai maetong si parasaian
(Dipopulerkan oleh Elly Kasim, Sumbangan Lirik oleh Arlen Ara Guci)

NASIB KABAU PADATI
Panek manurun nan jo mandaki
Malaleh kuduak nan dek pasangan
Batanyolah kabau nan ka padati
Jauah kok lai parantian
Dikampung kasawah maelo bajak
Pai marantau mairik padati
Kironyo batuka baruak jo cigak
Hiduang ndak lapeh dari tali
Elo tak elo, alah den elo
Pungguang lah habih (ndeh mamak) kanai palacuik
Cobo tak cubo, alah den kao
Dek samo sajo dapek makan panyambuang hiduik
Ondeh, nasib bak cando kabau padati
Iyo, malang nasibnyo kabau padati
BASIMPANG JALAN
Kelok jalan lai bapangka
Kelok lidah sambarang jadi
Pitanah urang jikok didanga
Sansailah diri
Kusuik cando sarang tampuo
Parun jo api mangko salasai
Arangnyo usah serak seraikan
Di muko denai
Basimpang jalan kito jadinyo
Alah suratan dari samulo
Basimpang jalan kito jadinyo
Iyo dek untuang sampai disiko
Cando kaliki tumbuah sabatang
Bumi jo langik tampek mangadu
Badan jo nyao ka nan kuaso
Denai sarahkan
(Dipopulerkan oleh Tiar Ramon)
NGARAI SIANOK
Rancak candonyo Ngarai Sianok
Di Panorama diliek patang
Liku baliku aia babelok
Tabiang nyo curam ndeh mambaok malang
Disiko denai mancubo kasiah
Ngarai Sianok jadi saksinyo
Kok salah cinto den piliah
Tinggalah ndeh ngarai sianok
Di rantau kini denai tabayang
Ngarai Sianok di Bukiktinggi
Maimbau imbau denai nak pulang
Manjalang kasiah ndeh maikek janji

COGOK MANCOGOK
Cogok mancogok, mancogoklah diak
Dari jandela dibaliak tirai
Lah lamo kito tak batamu pandang
Cogok kan lah diak muko nan janiah
Rindu lah lamo nan den tangguangkan
Basuo usah co urang tak tahu
Denai kok tibo adiak jan bajalan
Tarumuak badan dek manantikan
Tingkah batingkah usah dibuek
Janji nan lapuak kito paarek
Kok kanai berang dek urang gaek
Marilah kito pai barangkek
Iyo baitu kok samu namuah
Bumi baputa jan dicamehkan
Jo cinto denai usahlah ragu
Dima tibonyo kito nantikan

RATOK DENAI DALAM HATI
Sungai Nyalo urang mamukek
Kanai maco jo ambu-ambu
Nak basuo yo indak kadapek (kanduang)
Baok lalok dalam mimpi kok batamu
Kok tadanga ombak muaro
Tando tuan takana juo
Jikok turun rinai malam hari (sayang)
Cando nantun ratok denai dalam hati
Lah den tuga si parak jaguang
Gabak hujan ditangah hari
Bukannyo salah bundo manganduang (sayang)
Sajak mulo lah suratan badan diri
Kok tadanga ombak muaro
Tando tuan takana juo
Jikok turun rinai malam hari (sayang)
Cando nantun ratok denai dalam hati